Sebuah Inspirasi Dari Penulis

LOM KOLOMAN

Carpan Nur Hasan.

...LOM KOLOMAN...

Kokos pote sekatomebenih nekotin, on-laon keloar deri duwe’ bibir soccih. Tampa’ katenangan taoker e moanah tello’ bindhareh lakek, se ampon dhari kellek duwe’ tonjuk grigi’nah cekkak sareng rokok. E nekmateh bhan hembusen se kaloar dhari nafasah. E sedot salem-delemah terros e hembusaki kalaben ka khosyoan. Sanaos ka’dissak e lang-ulang kalabhan tadeknah soarah se kaloar, tor jughan a mecca aki ka seppean. Mongken lebet ka seppean, tello’ bindereh kassa’ bisah mekker nyareh tema se ka angkuy e musyawaroh akinah.

Ka tello’ penyedot Rokok kretek kassa’, tojhuk alengker sambih amainaki kokos pote se kaseddot. E lajhu kacer, bhadeh kacong koros se laheraki kalabhan nyamah Risel. E lajhu kanan, bhadeh kacong kacamata kalabhan nyamah Mat Ali.  Jhugen kacong tak pateh koros se bhadeh e antaranah se duwe’, kalabhan e olok Jok alias Joko. Ka tello’ kassa’ ngakungih pendedekan se parak sameah. Namon kalaben sestem se bhideh. Tak kalep kass’ adhaddi aki cara pemekkeran delem anyelesaiaki musyawaroh. Risel se tojhuk e bangku SMA, anemponih delem elmoh ka omoman. Mat Ali se tojhuk ebangku MA, anemponih delem elmoh ka aghama’an tor Joko se tojhuk e bangku SMK anemponih delem elmoh ka ahlean.

Nyatanah ka tello’ bindereh kassa’ aropaaki kancah se talebet akrab. Apa pole e bektoh loar musywaroh, congocoan sareng akhajek adek ambunah. Namon bik-thibik derih kassa’ taoh ka kennengan ben ka bektoh.

Kames compaddha are anojhu malem jhumat, lakar la roten tello’ bhindereh kassa’ e esseeh sareng musyawroh. Molai dhari tema se demmang engak kabedheen sampe’ tema se bharre’ engak poletik. Tor kadhang e esseeh kalaben tanyah jaweb, tor kadeng jhugen e esseeh kalabhan debat.

Sapoloh menit ampon e lebetih kalaben pa-capa, tello’ bindhareh kassa’ kik tak nemmoh tema  ka musyawaroh akinah. Sampe’-sampe’ tembus dupoloh menit tak lem nemmoh settong tema se e angghap pas ekebey bhahen pa moropan pekkeran.

“Kadih ponapah  musyawaroh mangken nikah e kancaeh kalabaen abereng kope se anga’ ki? Apapole etambha sareng rokok se katibik nikah,” Risel a ngosol kalabhan bhasah khas ka lahernah neng Sungenep.

“Osolan se ghege’.” Sambit joko se ka laheran Mekkasan.

“Tinah dentos sakejjek, sengko’ akebeyeh,” Risel manjhang  sambih nyabe’ bhukunah se dharih kellek  e tekkuk. E sabek teppak enga’ tengnga’nah se thojuk alingker.

“Dikok e dentosah rassanah kope kebey nah kakeh Sel,” ajaweb Mat Ali ka laheran sampang, sambih mesem se taoker eseddi’ in bibireh.

Ta’ parloh bektoh abit, risel moncol e ambang labang kamaar, e kancaeh gelas a esseh serbuken celleng e ojenih, jugen ta’ loppah ka leppe’an kene’ anolongih. Bektonah jieh, tello’ bindhareh kassa’ tojhu’ alingker e diadeknah kamar pondhuk, se lakar e bektoh compaddha areh nekah aropaaki bektoh estrahatah sakabbhinah santreh se ampon mareh noro’ ajien ketab seang. Namon, se tello’ bindreh kassa’ sepakat mon areh kames compaddah areh, e esseh musyawaroh.

Risel amolai de’ ngade’ nginom kope kebeynah, sambih te ghantean anyedot rokoknah. Padeh ben mat ali bhan joko a noroeh alorah Risel.

“De’remmah bhuku reah e musyawaroh aki, kalabhan paloas se eka taoh dari engko’ ban be’en,” Joko a ngosol tema sambih nekku’ bhukunah Risel.

“Sepa’, engko’ se amulaeh kade’,” Mat Ali nyambit ban angobe patojuknah “Manossah se budduh e solap dhaddi penter. Manossah se ta’ taoh pa-apah, esolap keah dhaddi taoh cem-macem. Le manossah se duwe’ roah e sebab aki deri aph? E sebab akih macah. Macah apah? Macah buku” sambungah oca’ nah ali se ta pekka’ pas lansung anyedot rokoknah.

“mellangah, tade’ caretanah oreng penter, oreng taoh a cem macem laben ta’ macah bhuku, poko en sakibbenah oreng se sokses nekah esebab aki macah. Ban jhugen selaen roah, amacah bhuku reah samolanah engak mukka’ labeng dunnyah bhan soksesah engko’ bhan be’en egek tabukka’  leber e adeknah matah reah otabeh bisah ekocak paddhang deyyeh,” Joko anempal cacanah Mat Ali.

“Ban, bennya’ bacaan bhuku se bedeh e cem macemah bhuku, namon engko’ bhan be’en etontot khoduh penter mileh bhuku se bhakal e becaah. Sebeb ta’ sakabbinah bhuku roah engak jendeleh dunnyah. Coman bhuku se manfaat bheih se bhakal enga’ jendeleh dunnyah.” Sambhung Mat Ali.

“Maso’ akal, namon sampeyan oning, saongghunah e bhuku nekah bedeh bennya’ rahasia,” Risel aoca’, se corak anodhuaki kajellasan se kita’ e ka taoh eh dharih duwe’ kancah e ade’ nah, sambih nonjhuk gerigiknah ka kennengan bhukunah.

“Maksodeh?” Tanyah Mat Ali ta’ ngerteh.

Risel kik anekmateh sedotan rokok dibudinah kalaben e sedot  e padelem  ban marenah lansung e bueng, nabeng rekarenah roko se laen.

Mat ali bhan joko aguk-ongghuk ngerteh se e oca’ Risel.

“Ban sampeyan-sampeyan jhugen bisah ngesseeh rahasea se selanjoteh,” Tambhanah pole Risel.

Joko ngalak kope  anga’ e ade’nah, e enom, e rassaeh nyaman enjha’en kope celleng jieh. Samarenah jieh ka duwe’ soccanah meddem, seranah nondhu’, bit-abiten e bukka’ ban e paonga’ pole. “Rahasea se nomar duwe’ se engko’ taoh reah, ka’roah-ka’roah dalem Korong bhuku-bhuku tak perna andi’ pangrassah ngireh da’ ka bhuku-bhuku se laen. Ka’roah taoh elmoh se e kandung  edelem bhukunah bik thibik ban hjugen bhuku roah bungah polan la e phaddi beca en. Pertanyaannah, bhe’ ka odi’en engko’ bhan be’en padeh enga’ bhuku? Tentunah jewebennah bedeh e be’en kabbhi.” Jelassah joko se talebet sareus.

Mat ali kik a mekker kerras de’ pendhapat se e oca’ akinah, bhan nyoba’ nyedot pole roko’en.

“Bisah maso’ akal bhan e pahameh. Sateah beginah engko’. Rahasea se ka tello’ cem macemah essenah bhuku se ka andi’, bisah e pahameh, e kangerteh bileh engko’ bhan be’en kabbhi a ku-ongkhu  macah esseh bhukunah. Padeh kalabhan sengko’ bhan be’en  daddhi manosasah, ta’ bakal taoh demmah benya’en kabhagusen ban kajhube’en. Kecoale mon aba’ thibik la taoh ka kelakoan se  mareh e kalakoh,” Mat Ali ngoca’ pas angembussaki kokos  roko’en ban ngontalaki rekarenah e pajeuh.

“Sepakat. Sengko’ bisah mondhut gileren ki?” Tanyah Risel.

“Ngirengih, lansong bisaos ontaiaki monjhet la olle rahmat,”  bhales Joko kalabhan ka ngenahan.

“Rahasea se kapeng empa’ nikah, bhuku se ka ngakungih sabbhan manossah, sanget a argeh. Molai manossah ka’roah macah dherih bhab nghadek sampe’ ka budih. Ban jugen molai dhari manossah ka’roah nga olle elmonah sareng pangataonah. Same kalabhan ka odi’nah sengko’ sareng sampeyan bhan arenah, sanget a argeh. Lamon kaodhi’en sengko’ sadejeh e esseh kalabhan ebhadeh ka Allah SWT. Makah percajeh, odi’nah sengko’ sadejeh nekah bhakal tambeh tenang e dunnyah otabeh e akherat dekki’. Same jugen kalabhan sabhalikeh.” Lanjhang, lebhar e kaoca’ aki Risel.

Sakejje’ forom musyawaroh seppeh, Mat Ali ban Joko abhasnah sanget ngerteh apah se ka oca’ Risel kik phuruan. Samarenah, bi’-thibi’ dhari se tello’ ka’roah adhe’ soarah se kaloar, seppeh, esep cuman soarah geje’en santreh ekedhing dhari tetanganah kamar bhindereh  setello’ nikah.

“Ngereng mi’ pola bedeh se kik e tambhanh sareng sampeyan-sampeyan?” Risel nyoba’ ngelangaki ka seppeyan.

Joko ajung-jhung tanangah se kanan.

“Mator sakalangkong. Ken bhuku mareh e bacah, e kangerteh per kalimatah kalaben ku-ongkhu. Nikah tade’ gunanah.” Oca’ Joko, akabey duwe’ ales kancanah e ade’ nah saleng e angka’. “Le roah polan ta’ epraktek aki. Padeh bhan Manossah, taoh jha’ jieh wejib keng ta’ ekalakoh, taoh jieh sunnah ke etingkelaki bhan taoh jha’ jieh haram kik pangghun ekalakoh. Le kabbhi roah se e lataoh adek gunanah.” Tambhanah Joko.

“Hah. Jha’ bennya’en bhuku reah e delem kaodhi’en. Mongken engko’ ban empayan kodhu atanyah ka embha gogle. Ma’le bisah alanjoteh musyawaroh reah.” Oca’ Mat Ali abhereng sedotan rokok dibhudinah. Risel ban Joko tampa’ nyenger pas depa’ ka oca’en Mat Ali se gogle.

Shalatuasallamun alaik........

“Ehem.. mongken mosyawaroh mangken nikah, cokop dhari mangken ki?” Tanyah Risel amaste aki, abhereng kalaben soarah qurra’ e speker Masjed Pondhuk.

             Kalabhan bhalesen onghu’en se setojhui Mat Ali ban Joko, Risel langsung angawal penotopan kalbhan mentah macah Hamdhalah tello’ kaleh. “Ngereng musyawaroh e compet areh nekah totop. Kalabhen hamdalah tello’ kaleh. Semogeh apah-apah se se e musyawaroh aki bisah manfaat sareng barokah. Amin ya rabbal alamin”

             “Alhamdulillahi Rabbil Alamin, Alhamdulillahi Rabbil Alamin, Alhamdulillahi Rabbil Alamin,” oca’ ka tello’ bhindereh kassa’ areng-bhereng kalaben ka hoso’an. Samarenah, bi’thibik dharih se tello’ kassa’ abelih ka Kamarah ka angkuy noro’ ajemaah bhejeng Maghrib.

*Nur Hasan

Santreh kelaheran Pakong Pamekasan. Aktef  neng pondhuk Bata-Bata, se tojhuk e bangku 10 a2 Ipa MA Mambaul ulum Bata-Bata.. Jughen Aktef e Lembaga Pengembangan Jurnalistik