Kawin Gantung

Adu Taktik

"Alhamdulillah... Anak gue inget balik dimari..." Rojak menyambut kedatangan anak dan menantunya.

"Duh, baru seminggu aje udah kangen bener romannye si babeh." Sahut Jodi.

"Iye jelas lah saban hari gue liat elo eh seminggu ini hampa." Aku Rojak.

"Nyak, babeh abis makan apaan?" Pancing Jodi.

"Idih, loe mah emang bener-bener deh kagak inget ame orang tua." Sembur Rodiah yang juga merasakan kerinduan kepada anak dan menantunya.

"Hehehe... Aye keenakan bikin cucu bakal Enyak ame babeh jadi agak kurang peka ke orang tua." Seloroh Jodi.

Rara langsung mencubit lengan suaminya itu hingga merah kulit Jodi. Resiko punya suami mesum.

"Ya Allah... Bocah seminggu kawin ngapa jadi mirip babeh loe pisan?" Rodiah keheranan.

"Ahahaha... Aye takut gak di aku ame babeh, Nyak." Timpal Jodi.

Rona wajah Rara memerah mendengar setiap ucapan suaminya itu. Ah, masa tiap dia ngomong di cubit sih? Mana sekarang ini pan di kandang nye sendiri, bisa abis aye kena kultum Enyak ame babeh 'azab istri kdrt suami'. Batin Rara.

"Di, pokoknya loe wajib bikinin gue cucu minimal lima." Seru Rojak sambil terkekeh geli.

"Tenang Beh, aye malah mau sebelas biar bisa sekalian maen bola. Hehehe." Jodi menimpali ucapan Rojak.

Rara memutar bola matanya malas menanggapi karena tak ingin juga kena azab menantu durhaka lantaran berkata tak sopan kepada mertuanya.

"Ra, udeh kagak usah di ambil hati. Anak ame babeh emang sebelas dua belas kelakuannye. Loe kudu belajar kebal ame omongan beginian." Nasehat Rodiah yang bisa memahami raut wajah menantunya.

"Ah, iya nyak." Rara mengangguk.

"Di, ayo nih bawain koper loe ame bini loe ke kamar biar sekalian loe berdua istirahat." Rodiah menepuk bahu anaknya.

"Et deh, loe jangan kasih kesempatan dulu, bakal kelar besok pagi mereka keluar kamar. Di, bongkar aje langsung oleh-oleh bakal babeh ame Enyak." Rojak tak sependapat dengan Rodiah.

"Masya Allah, Abang... Kelakuannye balik jadi bocah lagi ngarep oleh-oleh." Sindir Rodiah.

"Ah, loe juga emang kagak penasaran ape nih bocah bakal ngasih kite apaan?" Rojak bersikeras.

"Di, jangan nunda ye punya momongan biar babeh loe malu, inget ame umur kalau lagi kayak gini." Rodiah melirik ke arah suaminya.

"Beh, bener tuh ape kate Enyak, gelar oleh-oleh nye entar abis aye istirahat dulu ye?" Pinta Jodi.

"Modus aje loe mau istirahat. Hahaha." Tebak Rojak.

"Babeh kayak kagak pernah muda aje." Jodi menggaruk rambutnya yang tidak gatal dan berketombe.

"Iya iya iya... Awas pingsan bini loe tuh. Hahaha." Rojak tertawa lepas.

"Yang, ayo..." Jodi menarik pelan tangan Rara.

"Rara..." Panggil Halimah dari arah gerbang rumah.

"Seneng deh liat anaknya sengsara." Jodi lemas.

"Ahahaha... Diah, anak loe ambyar modusnye kagak kesampean." Kekeh Rojak.

"Geli amat loe, Jak ketawa nye." Tegur Sabeni.

"Eh, elo besan." Rojak menghampiri Sabeni lalu memeluknya.

"Iye pegimane lagi, masa gue nyuruh anak gue balik ke rumah tanpa lakinye." Sabeni pasrah.

"Inget ye kite udah sepakat nih bocah dua seminggu dimari terus seminggu di tempat loe." Rojak mengingatkan perjanjian mereka.

"Kagak usah loe omongin gue juga inget mangkanye kemari." Sungut Sabeni.

"Kasian anak kite kalau kudu puasa lagi abis kawin entar bakal lama kite punya cucu. Hahaha." Gurau Rojak.

"Waduh, kagak kemudaan ape ngarep cucu?" Solot Sabeni dengan bola mata yang hampir mau keluar.

Gleg

Jodi melirik kedua orangtuanya berharap mendapatkan bantuan agar tidak kena teguran cinta pertama istrinya, Rara.

Rojak tampak mengulum senyumnya melihat ekspresi yang tak pernah diperlihatkan oleh anaknya. Dia jadi ingin ikut menjahili Jodi.

"Iye, gue kok baru ngeh ye kalau anak kite masih belasan tahun buat punya anak." Rojak melirik Jodi sambil menahan senyum nya.

Jodi yang memahami gelagat iseng dari Rojak mengutuk dalam hati kelakuan babeh nya ini. Hm, oke mainkan peran...

"Nyak, dulu Enyak lahirin aye umur berape?" Tanya Jodi kepada Rodiah.

"Hm, sebenarnya Enyak dulu belum sempat lulus sekolah udah di ajak kawin ame babeh loe." Rodiah tertunduk malu.

"Set, ngapa loe nyang di serang? Wah, licik juga loe bocah berani nyerang Enyak sendiri." Rojak sewot karena kalah strategi.

"Maaf Beh, Nyak. Aye cuman mau bandingin umur Enyak Rodiah sama bini aye nyang berarti kagak ada alasan buat bini aye nunda punya anak." Kelit Jodi dengan harap-harap cemas lantaran merasa tak ada yang berpihak kepadanya.

"Iye Beh, aye juga nyang minta sama Bang Jodi biar tahun ini nunda dulu kuliah." Rara memihak suaminya yang terpojok.

"Kagak bisa! Di, loe udah janji pan kalau anak gue bakalan tetap dapat kuliah setelah nikah ame loe?!" Bentak Sabeni.

"Beh, jangan salahin Bang Jodi karena ini keinginan Rara. Lagian babeh emang kagak malu ape kalau aye nikah tapi kagak bisa masak nyang enak, belajar bebenah rumah, belajar jadi istri yang baik." Rara menjelaskan.

"Huft, Ra, loe pan pinter jadi ape loe kagak rugi nunda kuliah?" Sabeni menarik nafasnya berat.

Dalam hati Sabeni juga menyadari kalau setelah menikah maka terlepaslah kewajiban seorang anak gadis untuk selalu menuruti semua keinginannya karena suami lebih utama.

"Aye cuma nunda setahun Beh..." Lirih Rara.

"Iye setahun kemudian loe hamil lagi terus cuti kuliah lagi. Ups." Cerocos Rojak sang kompor meleduk.