SHOLAWAT CINTA

Dasar...

Acara lamaran sederhana yang diakhiri dengan makan siang bersama berlangsung lancar dan mufakat sesuai rencana kedua keluarga.

Boy dan keluarga nya langsung pulang karna harus segera menyiapkan semuanya hanya dalam waktu satu bulan.

Sementara Siti masih saja berdiskusi dengan kedua orangtuanya perihal rencana mereka.

"Lu yakin sama konsep acara pernikahan itu? "Nyak Romlah masih tak habis pikir dengan kemauan Siti.

"Iye Nyak ! Aye gak mau terlalu banyak tamu undangan , Cukup keluarga besar sama tetangga aje !

"Tapi kan Kenalan Babeh lu banyak ? belum lagi temen-temen perguruan silat nye ? ditambah lagi sepuh temen nye engkong lu..

"Ya udah deh ! Terserah Enyak aje , Aye ikut mau nya Enyak sama Babeh.."Siti hanya bisa pasrah mengingat kedua orangtua nya juga memiliki ekspektasi sendiri.

"Maafin kita ye ! Babeh cuma pengen nyenengin elu aje ! panan elu atu-atu nye anak babeh ,ilokan babeh gak bikinin resepsi gede buat perawan kesayangan Babeh...

"Gak ada maksud pengen gegedean ! Babeh cuma gak mau nyesel kalo ampe gak bisa nyenengin anak semata wayang Babeh...

"iye Beh ,Siti juga faham !

"Si Boy ngomong apa ? Apa dia punya rencana lain ? "Cecar Nyak Romlah menyelak.

"Dia sih ngikut aje mau nye kita ! Malahan udah Transfer duit buat biaya persiapan...

"Heh ? Roman nye ngebet amat tuh bocah..hihihi.."

"Dia transfer duit itu karna mau balik ke Bali..."Elak Siti.

"Ngapain lagi dia kesono ?

"Panan Bang Boy punya usaha disana ,lagian cuma 2 minggu aje kok...

"Ya udeh ! Pokonye elu mah tenang-tenang aje Enyak sama Babeh yang ngurusin semuanye...

"Makasih nyak ,Beh !

"gak usah bilang makasih ,Panan eni kewajiban kite nyang jadi orangtua...

"Aye masuk dulu ye ! Pengen istirahat !

"ya udeh ! gih dah !

"Akhirnye kite bakal nikahin perawan kite,Bang

Gak kerasa Si Siti udeh gede aje...

"Hemm..Gua juga berasa lagi ngimpi.. Perasaan baru kemaren gua gendong Siti ,eh sekarang udeh mau diboyong ame calon lakinye..

"Si Udin ame si jamil gimana kabarnye,Bang?

"Huuhfh..tau dah ! Si Udin sih udeh bisa terima sama keputusan anak kita ..Au dah Si Jamil ?

"Terus ? Apa gak jadi masalah nanti nye ?

"Moga aje, enggak ! Lagian gua yakin dia gak bakal berani macem-macem didepan gua..

"Iye kalo didepan Abang ! Nah kalo dibelakang Abang pegimane ? Namenye orang sakit Ati kadang suka khilaf ngerjain nyang kaga-kaga..

"Kite Do'a in aje Si Jamil nemu jodohnye !

Gua juga udeh wanti-wanti sama Si Udin buat jagain Si Jamil kalo-kalo Dia khilaf...

"Bagus deh kalo abang udeh ngingetin..

"Sebenernye gua gak peduli sih ,Cuma Si Petter yang ngingetin gua supaya tuntasin semua urusan yang bisa jadi masalah kedepannye nanti..

"Ada otak nye juga entu Si gemblung yeh..hihihi..

"Dari dulu juga Si Petter emang pinter malahan ganteng nye bikin elu kejer ngejar dia..

"Isshh..masing aje sih inget jaman dulu ?

Ciee abang cemburu yeh ? hihihi

"Hadeuuhh...

"Si gemblung emang ganteng ,Bang !

Tapi dimata aye Abang paling keren..hihihi

"Auu Aahhh..

"hihihi...

"Bikin Ade yuk ! Panan bentar lagi Siti mau diboyong sama bocah tengik..

"ogah ! Kite udeh tua Bang ! Mending nunggu cucu lahir daripada ngadon anak lagi..

"Gua kan cuma usul aje !

"Bilang aje abang pengen olahraga ? Lagian tengari robek gini sgala pengen ngadon..

"emangnye lu gak mao ?

"Mao sih ..hihihi

"Nyok ah ! Mumpung perawan kite lagi molor..

"Dasar jawara genit...