SHOLAWAT CINTA

Bisik-bisik

"Nape entu muka kusut amat ? segale bibir dilipet kaye pantat ayam ? "Babeh Jali tergelitik saat melihat istrinya tiba dirumah dengan raut wajah kesal.

"Jangan asal ceplos deh Bang ! Aye lagi gedeg malah ditambahin.."Nyak Romlah yang sedang tak bersahabat itu langsung duduk dikursi sambil tetap mendengus sebal dihadapan suaminya.

"Pesenan gue mane ?

"Kagak keburu dibikin sama si Junet, Aye kagak sabar nungguinnye.."

"Lah ? Nape bisa begono ? padahal gue udeh ngiler pengen makan Bubur kacang ijo..Haiishh.."

"Bubur Lu pikirin ? Mantu kita tuh Lu pikirin ! "Nyak Romlah malah semakin sewot melihat suaminya mengeluh.

"Ngapa jadi perkara Bubur Elu sambungin sama mantu kita ? "Babeh Jali mulai sedikit memahami penyebab kemarahan istrinya.

"Ada nyang ngoceh kagak karuan lagi ? "Babeh Jali tersenyum kecil meskipun sebenarnya Dia pun merasa tak nyaman dengan bisik-bisik tetangga yang mengetahui kepergian menantunya.

"Ho'oh...Kalo bukan lantaran di ademin sama si Junet, udeh Aye unyeng-unyeng tuh congornye Die.."

"Ckk..Elu nape jadi gampang amat sewot ? Antepin aje orang mao bekata apa ? Tapi kalo ada laki nyang banyak bacotmah biar gua aja nyang sumpel tuh congornye hehehe.." Babeh Jali malah terkekeh meledek istrinya.

"Namenye idup dikampung, kalo kagak ngomongin berarti diomongin, Lah kite nyang waras jangan gampang kepancing.."

"Pegimane Aye kagak senewen Bang ? Masa mantu kite dikata kawin lagi lantaran Dia kagak nongol pas 7 bulanan ?

"Eh bujug dah ? Sapa nyang berani ngomong kayak gitu ?

"Entu Si Tonah..

"Kirain sape ? Antepin aje dah ! Elu kayak kagak tau aje sama kelakuan Si Tonah ? sedari dulu juga emang loncer congornye"

"Aye juga tau, Bang ! Tapi bawaannye gedek banget denger Dia ngoceh kayak gitu.."

"Aye jadi watir sama anak kita, Bang ! pegimane kalo si Siti ngedenger ocehan tetangga nyang kagak karuan ?

"Gua sih percaya sama Dia, sedari dulu juga Siti kagak pernah ngeladenin omongan orang.."

"Iye, Aye juga tau, tapi pan skarang mah Siti lagi bunting, Bang ? Takutnye Dia lagi sensitif, terus jadi kepikiran dah.."

"iye juga sih, moga aje nyang kite watirin kagak kejadian..ckk "

Sementara Siti yang sedang beristirahat didalam kamarnya terlihat menghela napas dengan raut wajah datar karena mendengar suara Nyak Romlah yang sedang mengeluh dihadapan Babeh Jali.

"Eni nyang Aye takutin Bang, Omongan tetangge bisa bikin Babeh sama Enyak kesel, tapi Aye masih tetep percaya sama Abang.." Siti kembali menghela napas dan menatap fhoto suaminya diatas meja.

"Satu-satunye yang bikin Aye nyesel entu lantaran Abang masih aje tertutup, masih belon bisa bebagi masalah sama Aye.."

Siti kembali teringat perangai dan karakter suaminya yang selalu saja bertindak dan membuat keputusan sendiri dalam hidupnya, bahkan lebih memilih meninggalkan dirinya tanpa penjelasan.

Sebagai pasangan muda yang kurang berpengalaman dalam membina komunikasi antara pasangan, Mereka masih sering tak bisa menyatukan pemikiran dan keputusan tepat meskipun keduanya terlihat berusaha saling melengkapi.

Siti pun teringat keluhan kedua mertuanya yang selalu membenci sifat keras kepala putra mereka itu. Bahkan keluhan Sonia yang merasa tak mengerti karena selalu tak bisa menebak cara berpikir kakaknya itu.

Bahkan Andre yang disebut teman paling mengerti itupun masih saja tak bisa membaca pemikiran suaminya.

"Kite emang kudu lebih terbuka lagi, Bang ! Aye kagak mao kayak gini lagi ! Aye kagak mao Abang terus-terusan ambil keputusan sendiri.."

"Ehh ? " Siti lantas meraih Handphonenya saat dirinya yang sedang larut dalam pemikirannya itu seketika teralih oleh suara getaran Handphone diatas meja.

"Putry ? " Siti mendadak tersenyum saat melihat panggilan telpon dari sahabat sekaligus adik iparnya itu.